Mkali huyo aliyeacha alama mitaani kwa baadhi ya wasanii kuiga mitambao yake ‘Stereo flow’, amefunguka wakati akifanya mahojiano na Jabir Saleh aka Kuvichaka ama The Library/Maktaba.

Mchenguaji anayewakilisha ngome ya Miraba Minne, Nash MC ameachia wimbo wake mpya alioupa jina la ‘Naandika’.
Wimbo umetayarishwa katika studio za Kali Nation na Jeysan Keyz. Mdundo wa wimbo huu ulikuwa wa Wasalu Muhammad Jaco aka Lupe Fiasco na mtayarishaji aliyeuandaa ni Needlz aliyeandaa midundo ya mastaa kibao akiwemo 50 Cent, The Game, Bruno Mars, Ludacris na wengine.
“Naandika kuhusu mitaa kwa hisani ya watu wa maskani, unaandika mapenzi hiyo ni kwa hisani ya radio flani. Kwa hisani ya promo mnarudi utumwani, haujui siri yeyote unaandika kwa hisani ya kusikika hewani.” Anarap Nash Mc kwenye wimbo huu.